ساعة دعا

أنا وفـ دعايا بانده وأقول يا رب

يا رب انت الغني بادعي تفك الكرب

واملا قلوبنا رضا وارحمنا واسترها

واجعل حياتنا سلم وابعدها عنا الحرب

****

شفنا كتير مـ الضنا ويا العذاب توهه

خفنا كتير مـ البلا وارواحنا مدبوحه

ملناش في غيرك رجا بنمد في ايدينا

اجعل طريقنا ليك وارحمنا مـ الدوخه

****

بادعي وقول في الخفا يا رب ارحمنا

اسمعني ساعة دعايا يا رب سامحنا

الشكوى ليك انت وانت اللي ملك الملك

كل الذنوب باسمك اغفرها واسعدنا