ببساطة كده أنا الحكاية في اسكندرية عشان لازم مسرح

ستشارك مجموعة أنا الحكاية بعرضها في تفاعلية لازم مسرح بالاسكندرية وهو ملتقي مسرحي عربي "يتفاعل والحراك السياسي والإجتماعي العربي "

الوقت : 8 مساءاً
الموعد : الأحد 1 إبريل
المكان: سان جابريال

 "مدرسة سان جابرييل على البحر / سبورتنج في عمارة جنب دومينوز خلف صيدلية مروة المهدي ادخلوا الناصية اللي جنب الصيدلية و لفوا حول سور المدرسة لحد مدخل الحوش "

اسم العرض : "ببساطة كده" اخراج: ريم حاتم
الحكايات : 

1- 848.956
2- فتحي
3- أبانوب
4- اللي جرا واللي كان
5- عنتر
6- صابرين
7- الرائد تامر
8- ببساطة كده

لازم مسرح : فاعلية عربية تقوم علي تأكيد دور المسرح كضرورة حياتية في حياة الحضارات و كائن فاعل يتفاعل مع كل الأحداث السياسية وإلإجتماعية وليس فنا هامشيا يزدهر في أوقات الرخاء أوالرفاه فقط و هذا التصور نبع من رصد ممارسات حقيقية للمشهد المسرحي العربي في خلال عام ٢٠١١ و٢٠١٢ عامي الثورات العربية والذي شهد عدة تجارب مسرحية تتحدي الفن الآمن وتتفاعل مع الحراك الجماهيري من فنانين مسرحين عرب من الشباب وواكب حراكهم الفني الحراك السياسي والإجتماعي العربي وتجاوز أحيانا وسائل تعبير أخري في تنبأوإستقراءتطور الصراع في المشهد السياسي والإجتماعي مسرحي عربي يتخذ من يوم ٢٧ مارس من كل عام ميعادا لإنطلاق تظاهرة مسرحية معاصرة تعني بتيار المسرح المعاصر والمستقل وتسعي لدعم جيل الشباب من المسرحيين الذين واجهوا الاليات والممارسات السلطوية والغير مرحبة بإسهام وتطور الشباب في مجتمعاتهم ،فاعلية "لازم ..مسرح" غير مركزية"لاتلتزم بمسرح أومساحة عرض واحدة" وغير تنافسية وإنما تعني بأختيار التجارب والممارسات المسرحية التي تقوم علي الحرية والتمرد علي الأشكال السلطوية الفنية والسياسية والإجتماعية الملتقي يعني بتقديم العروض المسرحية وتنظيم ورش عمل مسرحية وتقديم تجارب مسرحية في مرحلة التطوير ومناقشة نصوص مسرحية ومناهج مسرحية تقوم علي أفكار تحررية وتناهض الأشكال السلطوية وتساند التوجهات الشعبية في الفن والحداثية والمعاصرة . 

ملتقي "لازم ..مسرح " لقاء فني بين فنانيين عرب معنيين بالحراك السياسي والإجتماعي ونواة لبناء تعاونية وشبكة عمل فنية مسرحية معاصرةتتخذ كل عام من مدينة عربية مكان للقاء وإطلاق رسالتها الفنية والسياسية فهذه الفاعلية ضرورة الان لتوصيل رسالة جيل من شباب الفنانيين الي الدوائر المختلفة السياسية والإجتماعية فما تشهده بلادنا العربية من حراك يستوجب ظهور هذا التجمع الفني للوجود 

للتواصل ومزيد من المعلومات والاخبار: 

theater.must@gmail.com

https://www.facebook.com/Theater.A.Must

https://www.facebook.com/events/271811682900392/

على المقهى.. ورشة كتابة أنا الحكاية

برنامج على المقهى .. " ورشة كتابة أنا الحكاية "

تقديم: ضحى الزهيري

الخميس: 29-3-2012

قناة الجزيرة مباشر مصر

تعالوا نكتب دستورنا

إحنا مجموعة كبيرة من المستقلين اللي شاركوا في الثورة، اسمنا "تعالوا نكتب دستورنا .

هدفنا نلم أحلام الناس من كل حتة في مصر، علشان نعمل وثيقة شعبية تكون هي الأساس لعمل الدستور الجديد .

وبكده نكون كلنا شاركنا في كتابة الدستور ويبقى بيعبر عنا وعن أحلامنا، وندافع عنه لو احتجنا .

تفتكر نسيب الخبراء والمثقفين والسياسيين يحلمولنا وإحنا نفضل ساكتين ؟ ليه هو إحنا منعرفش نحلم ؟ 

عشان كده كانت مبادرة "تعالوا نكتب دستورنا"، مبادرة شعبية مستقلة،هي ببساطه جمع الحلم من الشعب، ومناقشته عشان يطلع منه دستور يناسبنا .

وطبعا إحنا بنأكد على إن الانتخابات هى أفضل وسيلة تعبر عن اللي إحنا عايزينه .

لكن الحلم، والتوافق، ووضع الأهداف، حق ومسؤولية الشعب الثائر كله مش بس أعضاء مجلس الشعب المنتخبين واللجنة التأسيسية .

اللي بنتصوره هنا، وببساطة هو إننا نحاول نوجد وثيقة شعبية تعبر عن طموحاتنا وأحلامنا المشتركة، تنور الطريق للجمعية التأسيسسة .

كتابة الدستور مش عملية مقدسة عشان يختص بيها ناس معينين ولا هي عايزة مواصفات في الشخص اللي بيكتبه غير إنه يعبر عن طموحاتنا .

ومحدش هيعرف يعبر عننا أكتر مننا إحنا ، لا فلان ولا علان، إحنا وبس.

وأظن إنك عشان تقول اللي إنت عايزة مش محتاج واسطة ولا لسان غير لسانك يتكلم عن ظروفك وإحتياجاتك .

ومشاركة الناس في كتابة دستورهم هي القوة اللي بتحمي بعد كده من أي حد أو سلطة إنها تخالفه أو تعتدي على ما فيه من حقوق وواجبات .

وإحنا شفنا قد إيه كان دستور 71 مليان مواد تحمي الحريات والحقوق لكن ممنعتش التعذيب، اللي يمنع ده توافق الشعب وكتابته للدستور بإيديه .

مقر المبادرة : مركز هشام مبارك للقانون 1 شارع سوق التوفيقية ـ الإسعاف - الدور الخامس - وسط البلد.
لو عاوز تعرف اكتر عن المبادرة ممكن تزور موقعنا
وممكن تشوف الورقة التعريفية الخاصة بالمبادرة 
ممكن تنضم إلى صفحتنا ع الفيس بوك

اجتماع مبادرة تعالوا نكتب دستورنا

مبادرة تعالوا نكتب دستورنا بقالنا كتير مجتمعناش وصحيح فاتنا كتير وكان ممكن نعمل حاجات كتيرة وأن خطوات الدستور الكتير بقت فى الفترة اللى فاتت سريعة ومتلاحقة، وكان أملنا كبير أننا نوصل لناس كتير ونحقق حلمنا فى أن مئات الألف من المصريين والمصريات يكتبوا الدستور.

وعلشان للاسف لحد دلوقتي الناس محرومة من المشاركة فى عملية الدستور سواء فى مناقشة تصوراتهم عن الدستور أو مشاركتهم فى كتابة الدستور فلسه مبادرتنا ليها أساس وفيها أمل، بس محتاجين نرتب أوراقنا وأولوياتنا فى الفترة القليلة اللى جاية، لان فيه ناس كتير سواء فى مصر أو بره مصر مقتنعه بالمبادرة وبفكرتها وعندهم استعداد أنهم يشتغلوا فى الفترة اللى جاية.

وعلشان كده فكرنا نعمل اجتماع نناقش فيه تحركتنا فى الفترة اللى جاية والتصور المقدم 

هنستناكم الاثنين 19 مارس الساعة 6 مساءاً بمركز هشام مبارك للقانون 1 شارع سوق التوفيقية - الدور الخامس - وسط البلد.

لو عاوز تعرف اكتر عن المبادرة ممكن تزور موقعنا 

أوتشوف فيديو بيشرح فكرة المبادرة 

وممكن تشوف الورقة التعريفية الخاصة بالمبادرة 

رابط الإيفينت الخاص بالمبادرة ع الفيس بوك

ممكن تنضم إلى صفحتنا ع الفيس بوك