 |
| الصورة مقتبسة من هذا الرابط |
 |
| الصورة مقتبسة من هذا الرابط |
 |
| الصورة مقتبسة من هذا الرابط |
 |
| الصورة مقتبسه من هذا الرابط |
 |
| الصورة من تصويري |
 |
| الصورة مقتبسة من هذا الرابط |
مريم .. بنت لطيفة كات بتصلي
جوه كنيسة يوم العيد
كانت فرحة ونور فـ عنيها
طالة علينا بوش سعيد
كانت لابسه الستر الساتر
كانت لابسه جديد فـ جديد
مريم بنت جارتنا "لطيفة"ـ
كانت عذرا
بتول بتغني لرب رحيم
مريم راحت منا بعيد
مريم راحت يوم العيد
راحت حرة واحنا عبيد
:/
:/
:/
وانا ومريم
صحاب ، طفلين
ميفرقشي مابينا الدين
أحب عنيها تضحكلي
وتسمعني كما حبيبين
...أنا ومريم
سوا واحد
وروح واحدة
لكن قلبين
أنا ومريم
معدش خلاص
دي راحت ليلة امبارح
قتلها مجرمين واطيين
أنا ومريم
مفيش مريم
وانا لوحدي كده بوشين
:/
:/
:/
كتب الفؤاد بالدفا والضم والألوان
كتب الفؤاد أحلام منسية ومرمية
وحكى الكتير ع الجفا والصد والإنسان
شافها الغريب عدى ملقاش لها غية
تعبيره كان بالنفي ولا كانش ليه عنوان
ولا كانش ليه حبه ولا كانش ليه نية
كتب الفؤاد أمره مخترش غير سجان
لما قبل يالهجر والقرب كان دية
بين الهوى والمر عاش الفؤاد أحزان
صبح الفؤاد شارب غفلته .. ( هيه )
شاف الكلام يتمنع كان الكلام غلبان
دا اللي يدوق الحب عايشها ف وسيه
ولا يهم البعاد أصله ولا فصله
ولا يهم السهاد حجمه ولا رسمه
ولا يكون في الكتاب كاتب
ولا تلاقي عليه اسمه
عشان تبقى الحكاوي كتير
وتملاها شكاوى الغير
ويتمكن من ساعاته ، يطير
ويرسم في الهوا كسمه
000
عليك واحد
ومش طيب ولا جاحد
ولا راخي ولا شادد
في عمره من زمان وصفه
تصقفله على الأحزان
وتهتفله على الفاضي
وع المليان
وتندهله توشوشله
وتسرق من عنيه حسمه
000
ويبقى في الجراح مدبوح
تطبطبله
وتسمعله
وتنعشله أماني الروح
تمرجحله
عذاب قلبه وتسمحله
يسابق في السكات عزمه
