لم أعد عالما بشيء ، ولا منتظرا لشيء ، كله سواء ، كله إلى العدم .
لم أعد أنا على مشارف الحياة أو الموت .
لم أعد بيني وبين نفسي .
لم ..................
لم ..................
لم يكن علي أن أحدد خارطة نفسي ،أو أن أرتب ما تركت على جانب القلب الرخو .
لم تمل مني نفسي كي أبحث لي عن رفقة أخرى .
لماذا فعلت ما لا ارجوه .
ولماذا لم أحسم بقبضتي نبضات الأمور .
******
أنا واللي كان
أخره ليالي محزنة
أنا واللي كان
مرسوم بصورة مذهلة
أنا في الحياة
رافض لكل المعجبين المفتونين
بالكلام
اللي بيدون معاني ذكرياتي
في صيف ملاوع
ملهوش قرار
يا ضلمتي
فكي خيوطك عن عيونهم
حبه حبه
واختمي ليلك بفجر
ونور صباح
يا فرحتي
باللي انت جاي تشكيلي بيه
هوه الحرام يبقى الحلال
ولا انت مش قدك خلاص
هناك تعليق واحد:
الصورة مش واضحة ..
بس اللي شيفاه ان القمر الليلادي منور اوي :)
كاسر الضلمة .. وبيوعد بفجر ..
جاي بيقول انه كوكب..ومع ذلك بيشع نور ..
دايما كل ما بتشتد اوي .. بيكون قرب الفرج ..
وانت تعبت .. وقربت تفقد الحلو اللي في حياتك عشان الوحش كتر..
بس ماتقلقش.. انت كدا قربت اوي .. من انك تبقى مبسوط اوي..
مش مهم اللي فات ومش مهم انت كنت صح في ايه او غلط في ايه ..
المهم انه عدى .. ولسه في جاي اكيد ..
ربنا يكتبلك السعاده :)
تحياتي
إرسال تعليق