الأربعاء، 5 يونيو، 2013

كنت مركب

الصورة من تصويري


كنت مركب جوه بحر يشيل ويخبط
تنكسر فيه الضلوع
بس ليه صاري عالي لسه طايله
قمته شط السحاب
كنت بلعب بالسعادة وبالفرح
كنت أشاور على اللي صابه الهم بدري وانجرح
يضحك القلب العمار
بصدر شارح منشرح
كنت اشوفها تستخبى مني دايما
جوه حلم ميتحكيش
كنت أحلم بيها دايما
واحكي شوقي ميتنسيش
كنت أخاف كانت تطبطب
كنت أشقشق ويا فجر صباح سعيد
وابدأ الرحلة بدعاها ليا أنجح
كنت في عيونها بعيش

إرسال تعليق