الأربعاء، 22 أبريل، 2009

هو فيه ايه ؟!


انت شايف ايه ؟!

سألت نفسك من زمان

من كام سؤال

مروا على إجابة قديمة

لفكرتك ..

انت شايف ايه ؟!

وكل مرة تروح في داهية

وتختفي

عن كل عين بصت قوي

من غير دموع

تنزل على سلم طويل

ما يوصلك

للي انت فيه

فـ غربتك

انت شايف ايه ؟!

لوحة تخوف دي الوحوش

متقولش حوش

عني الملامة والعتب

أصل الكلام اللي ما بيقدم

ساعات

بيجيب ورا

متقولش عالم بالقدر

طب مين غدر

ومنين هتبدأ

دنيتك

انت شايف ايه ؟!

قلمك رصاص

والمسح واجب

في الحالات المؤلمة

قلمك ألم

وكتابته عنك من زمان

مفيهاش دسم

يمكن كلامه يفرحك

لكنه في الأخر قلم

ولا انت ايه أخرك

وأخر قصتك ؟!
إرسال تعليق