الأحد، 24 أغسطس، 2008

وانا راضي

وليه القرب يستنى ؟
دنا عايش وبتمنى :

يا روح الطهر يا نايمه ـ
على خدي ..
لقانا في حكاوينا بيتسكر ،
أكيد أكتر.
وليه خايفه ؟

مانا دايق سنين حبك م الأول ،
لأخر جنه سيبينها على شطك.
وليه احلامنا تسرقنا في
بحر الشوق ؟
صراحة قلبي ما تخفى ـ
على قلبك ..
أكيد عارفه .
نخيل قربي بيتمنى يبوس خدك ـ
وليه التوهه والتجريح،
وسحرك داب في كاساتي من الفرحه.
تقولي الجرح متخبي ..
انا أرفض كلام شكك.
وبحلفلك ،
بكل آهاتي يا حبي :
صحيح القلب رباني ،
وما يكدبش في عشقه ـ
وشوك الورد نساني ،
خضار عودك .. وانا عاشقه .
انا منحوت على صدرك ..
ومتشكل بإحساسك ـ
وبحلف مره من تاني ،
انا دبلة غرام صبرك .
وم الاخر ..
انا ناسك صلاة بعدك ـ
عشان خاطرك ،
اكون دايس لأحزانك ،
ومتخفي ..
لأجل ما تبقى عنواني ،
وانــــــا راضــــي
إرسال تعليق