الاثنين، 22 ديسمبر 2008

الكلام أم الصمت


هل الصمت أبلغ من الكلام تعبيرا ؟

وهل الكلام أيا كان مؤداه ومراد المتكلم منه منتج ومؤثر في حياة صاحبه ؟

وهل قصر الكلام على حسن الحديث والمنطق والأسلوب ؟

وهل لنا أن نجري على ألسننا ما نشاء من كلمات ورؤى وعبارات منسوبة لغيرنا أو يعود مرجعها لنا ؟

وهل فكرت يوما أن نتمهل قليلا قبل أن نتفوه بقول يحسب علينا أو لنا ؟

وهل نحن أمة معجزتها الكلام وصياغته ؟

وهل القول أوقع أم الفعل أقوى ؟

هذه تساؤلات ترد بخاطري حينا وتستمرئ مني إجابات لها .

قررت أن أعرضها وحدها أولا علني أجد إجابات منكم تكون مردودا وتمهيدا لإجاباتي في الرسالة التدوينية المقبلة .

فإليكم أسألتي ، وإنني في انتظار إجاباتكم ..
****************************************
****************************************


هناك 9 تعليقات:

غير معرف يقول...

اولا: ليس فى كل الاوقات هناك بعض المواقف تحتاج لصمت وهناك اوقات اخري تحتاج لكلام وبذلك نكون وصلنا للوسطيه فى الكلام والاعتدال
ثانيا : لو الكام عن خبرة فانة يكون منتجا لاثرة لا المتكلم يتحدث بناء على خبرة وعلى تجارب فعليه سابقه ومع ذلك فهناك ايضا كلام بالفطرة يكون مفيد ولكن ليس فى كل الاحوال والدليل على ذلك ان معظم متكلمى بطريقه الفطرة يقعون فى المشاكل بسبس عدم حساب ما يقولون
ثالثا:
رابعا:عادة فى التاني السلامه وفى العجله الندامه ولكن هناك امور لاتحتاج الى وقت لكي تفكر فيها وانها تحتاج الى اتخاذ قرار ومعظمها يكون فى الظروف الحرجه وبالتالى فان اتخاذ القرار السريع هنا ليس بقاعده عامه
ونلاحظ عاده ان الصمت ليس بحل جزي ويعد فى بعض الاوقات هروب من ارض الواقع
وكده كفايه

شيماء الجمال يقول...

مش عارفة يا أحمد !!
أحيانا ً بحس اني لازم أسكت و اني ما ينفعش اقزل كل اللي عايزة اقوله ..و اني لو مكنتش قلت مكنش كل ده هيحصل !
و أحيانا ً بحس انه الواحد لازم يتكلم ،هي حياة واحدة اللي بنعشها وحرام ما نقولش كل اللي نفسنا فيه

mostafa rayan يقول...

بص يا احمد احيانا بيكون الصمت احسن منالكلام
واحيانا بيبقي لازم تتكلم
طبعا احنا لازم نفكر في كلامنبل مايتقال
مش كل حاجة تعرف تقال او تقال للأي شخص
مهم قوي اعرف انا بقول ايه ولمين وازاي
اما ان احنا امة معجزتها الكلام فدة صح بس دلوقتي بقي مشكلتنا اننا بنتكلم كتير ومش بنعمل لونعمل زي مابنتكلم او حتى نصف مابنتكلم كنا هنبقي احسن كتير
لك كل التحية والتقدير يا اخي

صفــــاء يقول...

.
وهو احنا يعنى سكتنا والا اتكلمنا

فيه فرق ؟

اهو هو كله يعتبر سكات بس لو اتكلمنا

يبقى سكات له أزعاج
.

fashkool يقول...

انت اوجزت فى نهاية البوست وقلت هل نحن امه صنعتها الكلام .. صح .. هكذا نحن ولا شيئ الاالكلام .. اترى ما يحدث فى غزه ولا نملك غير الكلام والدعاء ونحن متواكلين ولن يسمع الله دعاء المتواكلين.. تحياتى يا متر

wafaa يقول...

كنت محتاجة اركز شوية قبل ما ارد وجيت ارغى :
الموقف اللى حاصل هو الى بيحكم على بلاغة الصمت او قوة الكلام
بلاش نسكت ف لحظة محتاجة كلمه تحييها وبلاش نرد على اى تفاهات نسمعها كده الصمت ابلغ من الكلام.
ولو ماكنش الكلام مؤثر ف حياة صاحبه ماكنش ربنا خلق لنا لسان ، كمان الرسول عليه الصلاة والسلام كان القرأن بينزل عليه كلام ويبلغه للصحابه كلام وبنفذه احكاما وشرعا بالافعال يبقى لا الكلام لوحده قوة ولا الفعل لوحده قوة القول والفعل معا
او بمعنى اصح الفعل بناء على قول سديد.
حكاية بقا عبارات منسوبة لغيرنا ده مش فاهمة قصدك منه ايه بصراحة ، ايه المشكلة ف الاستشهاد او الرجوع لكلام حد؟؟.
نتمهل ف القول مش هرد عليك غير بقول الله تعالى " وما يلفظ من قول الا لديه رقيب عتيد ".

اه احنا امه معجزتها الكلام وصياغته فنحن امة الاسلام ، ولو رجعنا لمنهجنا الاسلامى هنعرف نرجع لطريق الصحابة ولعهد ازدهار الدولة الاسلامية من سلام ورخاء وعلم و حضارة قوية ، مش نفرح بحضارة فرعونية واحنا ماعندناش غيرها

رغيت كتير مش كده ؟؟

Mahmoud farag يقول...

اولا انا متأسف على لتأخير

و هقولك رأيي في حكاية الصمت دي

.. الصمت ..

يمنحك طاقة قوية للتفكير بعمق في كل ما يحصل حولك والتركيز بعقلانية على إجابتك .



.. الصمت ..

يجعلك تسيطر على من أمامك من خلال نظرات محملة بمعان غير منطوقة ، تجعلهم حائرين في تفسيرها .



.. الصمت ..

المصحوب ببعض الحركات والإيماءات يرغم من أمامك على البوح بما داخله فيقول أكثر مما يريد فعلا .



.. الصمت ..

يولد لدى الآخرين شعورا بالغيظ الشديد لأنهم يعتبرونه هجوما مستترا، فتكون الأقوى من دون كلام ولا تعب .



.. الصمت ..

هو الحل الأفضل أمام المشاكل الزوجية التافهة .



.. الصمت ..

في المواقف الصعبة يولد الاحترام، بعكس الصراع والجدل الذي يولد التنافر والحقد .



.. الصمت ..

يدمر أسلحة من تتشاجر معهم ويجردهم من القدرة على مواصلة الكلام.



.. الصمت ..

عندما يصمت شريكك اصمت أنت أيضاً فيتساءل عن سبب صمتك ويبدأ هو بالكلام .



.. الصمت ..

يعلمك حسن الاستماع الذي يفتقده الكثيرون .



.. الصمت ..

فن حاول إتقانه ولن تفشل أبدا في تحقيق ما تريد في أي وقت وفي أي موقف .

Ahmed Hishmat يقول...

سامحوني
أولا على التأخير
ثانيا إني مش هقدر أرد على تعليقاتكم دي
لأني هكتفي بإني أقول رأيي في الموضوع ده
في رسالة تدوينية لوحدها
....................
متشكر ليكم قوي
وبحبكم كلكم

منه مرتجى - عازفة الأوتار يقول...

عجبى او رد fashkoul
بذكر السكوت المزعج
أعتقد ان تلك الجملة فقط تتجلى بوضوح فى العالم العربى
و ما نراه على الساحة الدولية الأن تجاه ما يحدث فى غزة أكبر دليل على ذلك
..
أما على المستوى الشخصى
فأنا شخصيا سريعة الانفعال و سعات كتير بقول كلام بندم عليه
و ده عيب فيا بحاول انى اتخطاه
الصمت مطلوب اكتر من الكلام و فى الغالب بيكون ليه الدور الأقوى فى تهدئة اى خلاف و تخطى تعقد الأمور

انا جيت ارد على تساؤلك و دى زيارة غير محسوبة
و لى عودة لمتابعة المدونة